Чаллының 5нче хастаханәсенә 300 тәрәзә куйдылар

Шәһәрнең 5нче хастаханәсе (1/09) үзгәреш кичерде: берьюлы 300 тәрәзәне алыштырдылар. Спонсорлык ярдәмен «КАМАЗ» ААҖ күрсәтте. Хастаханә җитәкчелеге чиксез рәхмәтләрен белдерә."Пациентларга җылылык һәм уңайлыклар бүләк иттегез. Кайгыртуыгыз һәм игътибарыгыз өчен рәхмәт!" - ди. 

Исегезгә төшерәбез, хастаханә 39 ел буе капиталь ремонт күрмәгән. 2018 елда җирле хакимият ремонт ясаудан файда юк, яңа бина төзергә кирәк дигән фикергә килде. 2021 елда проектын ясадылар. Яңа хастаханә Чулман проспектында "Адымнар" полилингваль мәктәбе янында төзеләчәк.