Чаллының яшь көрәшчеләре Татарстан чемпионатында уңышлы чыгыш ясады - ФОТОЛАР

19-21 февральдә Мамадыш районы Түбән Ошма авылында 2008-2009 елгы егетләр арасында «Ялкын» журналы призына көрәш буенча Татарстан беренчелеге узды. Командалар арасында Чаллы көрәшчеләре өченче урынны яулады. Егетләребез шәхси беренчелектә дә сынатмады.

65 кг үлчәү авырлыгында - Салават Дәүләтбаев (тренерлары Р. Сәлимханов, И. Шәмсевәлиев), 80 кг үлчәү авырлыгында Камариддин Саидганиев беренче (тренерлары В. Юкин, И. Шәмсевәлиев) урыннарга  лаек булдылар.  55 кг үлчәү авырлыгында Азат Шәвәлиев - икенче (тренерлары Р. Сәлимханов, И. Шәмсевәлиев), 75 кг үлчәү авырлыгында Илдус Мәрдәнов өченче (тренерлары И. Хәйбуллин, И. Шәмсевәлиев) булды.