Чаллының мәдәният учреждениеләренә - акча

Ул 2025 елдагы проектларны тормышка ашырырга тотылачак. 

Чаллының мәдәният учреждениеләре проектлары РФ Президентының мәдәни инициативалары фонды грантына бәйгедә җиңде.  Аларга 7 144 412  сум акча бирелә.

«Мастеровые» рус драма театры –3,7 млн сум, филармония – 1,5 млн сум, 6нчы музыка мәктәбе – 638 мең сум, үзәк китапханә –  474 сум, 2нче музыка мәктәбе 666 мең сум акча ала.

Конкурска җибәрелгән проектларның күпчелеге Бөек Җиңүнең 80 еллыгына багышлана.