Чаллыда 19 марттан башлап ярминкәләр башлана

19 марттан башлап Татарстанда авыл хуҗалыгы ярминкәләре башлана. Аларда бәяләр базарныкыннан түбәнрәк булачак.  Бу хакта кичә авыл хуҗалыгы министры Марат Җәббаров хәбәр итте.

- Без инде авыл хуҗалыгы ярминкәләре сезоны башлануын көтәбез, барлык фермерлар да әзер. Бары тик карантин чаралар аркасында гына сроклар күчерелде. Болар барысы да хәзер төгәлләнде, барысы да ачык, фермерларыбыз ярминкәләргә продукция сатарга әзер, чөнки чәчү алдыннан аларга өстәмә акча кирәк, - дип билгеләп үтә Тукай районы башлыгы Фаил Камаев.