Чаллыда интернет-кибетләрдән файдаланучылар саны арткан. Танылган маркетплейсның товарларын тапшыру пункты хуҗасы Гүзәл Хәбибуллина белдерүенчә, узган елның шушы чорында алар якынча көненә 100-150 кешегә хезмәт күрсәтсә, хәзер инде бу сан икеләтә зур.
"Сатып алучылар арасында хәтта әби-бабайларны да күзәтергә була. Кирәк очракта, без аларга заказ бирү тәртибен яхшылап аңлатабыз, булышабыз", – ди Гүзәл ханым.
Интернет сәүдә базары ил буенча да актив үсештә. Белгечләр исәпләп чыгаруынча, 2021 елның гыйнвар-февраль айларында, 2020 ел белән чагыштырганда, онлайн заказлар саны 44% арткан. “Һәм бу әле чик түгел. Интернет сәүдә базары алга таба да рекордлар куячак”, – ди алар.
Моның сәбәпләре нидә? Кайсы товарларга аеруча ихтыяҗ зур? Бу хакта тулырак шушы сылтамага басып укыгыз.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев