Чаллыда «Үлемсез полкны» балалар башлады

Бүген Чаллының балалар бакчалырында «Үлемсез полк» акциясе үтте. Сабыйлар Бөек Ватан сугышында катнашкан әби-бабаларының фотосурәтләрен күтәреп, бакча территориясе буйлап йөрделәр. Аннан соң кечкенәләрне урамда солдат боткасы белән сыйладылар. 
9 май көнне инде «Үлемсез полк» йөреше шәһәр күләмендә үтәчәк. Хәтер чарасына, гадәттәгечә, хакимият бинасы янында 16:00 сәгатьтә старт бирелә. Шәһәрдәшләребез Хәсән Туфан проспекты буенча төп мәйданга кадәр үтәчәк.  "Үлемсез полк" чарасында теләге булган һәркем катнаша ала. 
Исегезгә төшерәбез: Беренче мәртәбә "Үлемсез полк" чарасы 2012 елда Тум шәһәрендә  уза. 2013 елда инде бу акциягә Россиянең калган шәһәрләре дә кушыла.