Декабрьдән штраф салырга мөмкиннәр. Кемнәргә?

2023 елның 1 декабреннән җәйге тәгәрмәч белән йөргән машина йөртүчеләргә ЮХИДИ инспекторлары штраф салырга мөмкин.

Бу яңалык автомобильне эксплуатацияләү тыелган төзексезлек очракларының үзгәртелгән исемлеген күздә тота: документ 2023 елның 1 сентябреннән үз көченә керде, дип яза «Российская газета».

Күрсәтелгән хокук бозулар өчен автомобильчеләргә Административ хокук бозулар турында Россия Федерациясе кодексының 12.5 маддәсе буенча 500 сум штраф салына. 20 көн эчендә штрафны 50 процент ташлама белән түләргә мөмкин. Шулай ук ЮХИДИ инспекторы хокук бозуны төзәтү турында күрсәтмә бирәчәк.