Дмитрий Песков өлешчә мобилизация турында сөйләде

РФ Президентының матбугат хезмәте җитәкчесе Дмитрий Песков өлешчә мобилизация турындагы Указның гамәлдә булуын әйтте.

- Гражданнарны хәрби хезмәткә чакырудан тыш, өлешчә мобилизация РФ Кораллы көчләре алдында торган максатларга ирешү өчен кирәкле башка чараларны да үз эченә ала. Шуңа күрә аны үткәрү турындагы Указ әле һаман да гамәлдә, — дип белдерде ул. 

Исегезгә төшерәбез, Россиядә өлешчә мобилизация узган ел, 21 сентябрьдән 28 октябрьгә кадәр үткәрелде. РФ Президенты Владимир Путин хәбәр иткәнчә, үз теләкләре белән киткән һәм резервтагыларны исәпкә алып, барлыгы 318 мең кеше хәрби хезмәткә озатылды.

Фото newspostrussia.ru сайтыннан алынды