Гашыйклар көненә – бездән шәп бәйге

Тиздән 14 февраль – Гашыйклар көне. Әлеге уңайдан газетабызның рәсми сайтында һәм инстаграм аккаунтында бәйге игълан ителде! Аның шартлары буенча милләттәшләребез татар җырларына рилз, ягъни кыска видео төшереп, үз аккаунтларына урнаштырырга тиеш иде. Бу биремне үтәргә Чаллыдан һәм республикабызның башка район-шәһәрләреннән 13 кеше теләк белдерде.  

7 февральдән инде аларга теләктәшлек белдерүчеләр shahrichalli.ru рәсми сайтына кереп 12нче февральгә кадәр тавыш бирә ала. Моның өчен фото астындагы ? билгесенә генә басарга кирәк. Катнашучыларга һәр 24 сәгать саен тавыш бирергә мөмкин. Иң күп балл җыючы җиңүче дип танылачак һәм редакциябезнең истәлекле бүләгенә лаек булачак. 

Катнашучылар белән монда басып танышырга һәм аларга тавыш бирергә була.