Гөлназ Асаеваның «Әнкәй ни хәлдә икән?» дигән яңа җыры чыкты

Җырчылар Рөстәм Асаев белән Лилия Биктимерованың кызлары Гөлназ Асаева моңлы тавышы белән тамашачыларны сөендерә. Шушы көннәрдә аның яңа җыры чыкты. «Һәркемнең тормышында иң изге кеше  - ул әни. Чын күңелдән безне яратучы бердәнбер кеше дә – әни. Ялгышларыбызны, хаталарыбызны һәрдаим гафу итүче, кичерә белүче иң олы йөрәкле кеше дә - әни. Ничә яшебезгә җитсәк тә, безне сабый бала кебек кайгыртып, безнең өчен ут йотып яшәүче дә – әни», – дип язды җырчы үзенең инстаграмдагы сәхифәсендә.

Ул җырның авторлары - Варис Акбашев һәм Фирзәр Мортазинга рәхмәт әйткән һәм тамашачылар яңа җырны яратып тыңлар дип өметләнә.