Һәр пәнҗешәмбе бульварда иртәнге зарядка
Энтузиастлар бульварына сәламәт яшәү рәвеше алып баручылар җыела.
Чаллының Энтузиастлар бульварында «Татарстанда җәй» проекты кысаларында иртәнге зарядка узды. Аны фитнес клуб тренеры оештырды. Бирегә килүчеләр иртәләрен хәрәкәт бәйрәменә әверелдерделәр.
Оештыручылар әйтүенчә, бу чара кешеләрдә кәеф күтәү һәм актив хәрәкәтләнү теләге тудыру максатыннан оештырыла. Саф һавада даими рәвештә физкультура белән шөгыльләнү сәламәтлекне ныгыта, кәефне күтәрә.
Ачык һавада физкультура ясау бушлай. Ул атна саен пәнҗешәмбе көнне 8 сәгать 30 минутта башлана.
Фотолар шәһәр хакимиятеннән алынды.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев