Чаллының 41нче комплексында яңа спорт мәйданчыгы булдырыла.
Ул 41/05нче йорт янында булачак. Аны «Иң яхшы территориаль иҗтимагый үзидарә» бәйгесендә җиңеп алынган грант акчасына коралар. «Оптимист 41» территориаль иҗтимагый үзидарәсе рәисе Светлана Хәбибуллина хәбәр иткәнчә, мәйданчыкка республика грантыннан бирелгән 1 млн сумнан тыш, 300 мең сум күләмендә иганәче ярдәме дә тотыла. Койма белән әйләндереп алынган мәйданның зурлыгы – 15х26 метр. Мәйданчык бары тик футбол уйнау өчен генә. Хәзерге вакытта коймалары урнаштырылган. Соңрак капкалар да куелачак.
Нет комментариев