Янгында ир-ат үлгән

Кеше үлеменә китергән янгын Түбән Камада булган. Гараж-төзелеше кооперативындагы сакчы будкасындагы ир-ат вафат булган.
Первопроходцев урамындагы 34а бинасында чыккан янгынны 12 минут эчендә сүндергәннәр. 15 кв. метр мәйданга зыян килгән. 

РФ Гадәттән тыш хәлләр министрлыгының Татарстан буенча хезмәте хәбәр итүенчә, янгынның сәбәпләре тикшерелә. 
Кичә Татарстанда 22 янгын сүндерелгән. Аның 14ендә коры үлән яндырылган. 

Исегезгә төшерәбез, 14 апрельдән 11 майка кадәр Татарстан халкына табигатьтә учак ягарга, урманга якын урыннарда шашлык кыздырырга ярамый. Бу вакытта янгынга каршы махсус режим гамәлдә.

Фотолар РФ Гадәттән тыш хәлләр министрлыгының Татарстан буенча идарәсеннән алынды.