Ике елда 87 тапкыр кагыйдә бозган

«Фольксваген Туарег» автомобилендә баручы 42 яшьлек ир-ат тизлеген тиешледән арттыра, шуңа өстәп, алдан баручы машина белән дистанция дә сакламый. Идарә итүне югалтып, ул уң яктан баручы «Киа Карнавал»га бәрелә. Аннары исә алдан хәрәкәт итүче «Опель Астра» белән бәрелешәләр. Авариядә «Опель Астра»ның пассажиры – 35 яшьлек хатын-кыз күпләгән имгәнүләр ала. 

Шунысы кызык, һәлакәткә очраган «Киа Карнавал» йөртүчесе соңгы ике елда юл йөрү кагыйдәләрен бозган өчен 87 мәртәбә административ штрафка эләккән, аның 8ен әле түләргә өлгермәгән.