Илсөя Бәдретдинова Хәния Фәрхинең тагын нинди җырын җырлый?

Татарстанның атказанган артисты Илсөя Бәдретдинова Хәния Фәрхинең үзен дә, иҗатын да ихластан  яратучы җырчыларның берсе. Ул Хәния Фәрхи репертуарындагы җырларга яңа сулыш өреп тамашачыларга җиткерә.

Кичә музыкаль мәйданнарда Илсөянең Хәния Фәрхи репертуарындагы тагын бер җыры чыкты. «Ә мин менә сине сагынмыйм» җыры минем өчен бик кадерле. Бәләкәйдән җырлап үскән өчен микән... Бәлки Хәния апа җыры...алай гына түгел, сүзләре дә Хәния апаныкы булгангадыр... Ә бәлки көен Фирзәр Мортазин язгангадыр? Күп сорадыгыз бу җырны. Рәхим итеп тыңлагыз», – ди Илсөя ханым. Илсөя башкаруындагы бу җырын Хәния Фәрхи дә яратып тыңлар иде. Шәп булган.