Җиңүнең 80 еллыгында ретро-машиналар йөриячәк

Чаллыда Бөек Ватан сугышында Җиңүнең 80 еллыгын зурлап уздырачаклар. Бәйрәм Муса Җәлил һәйкәле каршындагы митинг белән башланып китәчәк. Ватан-мемориалы янында парад, хәрби техникалар узачак. 

"Беренче тапкыр ретро техника чыгарылачак. Шулай ук заманча техникаларны күреп булачак. Барлыгы 42 машина", - ди башкарма комитет җитәкчесе урынбасары Винер Харисов. 

Ватан-ана мемориалы каршындагы бәйрәм чарасында 2 меңнән артык укучы, студентлар катнашса, Яр буе паркы мәйданында аларның саны 3 меңнән артык.