Юлларны тәүлек буена кардан чистартканнар?!

Башкарма комитет җитәкчесенең беренче урынбасары Илья Зуев шәһәрне кардан чистарту мәсьәләсенә тукталды. 

– Шәһәр урамнарына 150дән артык техника чыга.  Көчле явымнардан соң «Автомобиль юллары» предприятиесе хезмәткәрләре тәүлек буена эшләде. 150дән артык техника, 120 кеше юлларны кардан чистартты, – диде ул.

Шәһәр мэры Наил Мәһдиев: «Кар чистартуның норматив вакыты бар.  Гадәти режимда яуган карны без тиз арада чистартабыз. Явым-төшем нормадан артык яуганда техника санын ике генә түгел, өч тапкыр артырырга кирәк», – дип искәртте. 

Лилия Хәбибҗанова фотолары