Кабак зурлыгында гөмбә җыйган

Күрше Башкортостан республикасында яшәүче Владимир Куприянов кабак зурлыгында гөмбәләр җыйган. Бу хакта ул үзенең социаль челтәрләрендә сөйләгән.  Ир-ат сүзләренчә, бу – яңгыр гөмбәләре (дождевик).Өйгә кайткач, ул гөмбәләрне үлчәп карый. Иң авыры 5,6 килограмм була. Ә барлык “табыш”ның гомум массасы 20 килограммнан артып китә, дип хәбәр итә https://omet-rb.com.

Белүбезечә, быел яңгыр нык күп яуды. Шуңа гөмбәләр рәхәтләнеп үскәннәр, күрәсең.

Интернетта кайсыбер кешеләр язуынча, мондый гөмбәләрне ашарга була. Әмма аларның артык иске булмавы мөһим – андыйларда токсиннар күләме югары булырга мөмкин.

фото: Владимир Куприяновның соц.челтәреннән