Каникулларын төнлә урамда уздыручы балаларга ау башлана

30 декабрьдан мәктәп укчыларының кышкы каникуллары башлана. Нәкъ шул вакытта балигълык яшенә җитмәгән балалар катнашында хокук бозулар һәм җинаятьләр артуы күзәтелә, ди полиция хезмәткәрләре. Алар төнлә рейдлар уздырырга планлаштыра. Анда ата-аналар комитетлары һәм башка профилактик субъектлар әгъзалары да катнашачак. 

"21 декаюрьдан барлык мәгариф учреждениеләрендә Яңа ел чараларын үткәрү планлаштырыла. Бу вакытта балалар тәртибен һәм иминлеген балигъ булмаганнар белән эшләү бүлеге хезмәткәрләре, хокук сакчылары күзәтәчәк. Мәгариф учреждениесе җитәкчелеге, ата-аналар да битараф калырга тиеш түгел", - дип белдерде РФ Эчке эшләр министрлыгының Чаллы буенча полиция бүлеге башлыгы урынбасары Раил Нәҗмиев.