Банк картасына билгесез кешедән акча кергәндә, шундук банк белән элемтәгә керергә һәм акча күчерү чыганагын ачыкларга кирәк, дип киңәш иттеләр Эчке эшләр министрлыгында.
Яңа мошенниклык схемасы турында ТАСС Эчке эшләр министрлыгы материалларына сылтама белән хәбәр итә. Ведомство мәгълүматлары буенча, мошенниклар янәсе акча күчерү турында хәбәрнамә җибәрергә һәм күрсәтелгән мәгълүматны тикшерү өчен фишинг сылтамасына керергә тәкъдим итәргә мөмкин. Сылтамага күчкәндә корбан җинаятьчеләргә мобиль банк кушымтасына керү өчен кирәкле шәхси мәгълүматларын бирергә мөмкин.
Көтмәгәндә акча күчү очрагында министрлык банкка рәсми элемтә каналы аша мөрәҗәгать итәргә киңәш итә. Банк хезмәткәрләре акчаның чыннан да күчерелгәнме-юкмы икәнен һәм аның кайдан килгәнен тикшерә алачак. Кергән акчаларны сарыф итәргә ярамый, чөнки бу нигезсез баю дип бәяләнергә мөмкин, дип билгеләделәр Эчке эшләр министрлыгында.
Хокук саклау органнары һәм Үзәк банк даими рәвештә мошенниклыкның яңа схемалары турында сөйли. Эчке эшләр министрлыгы мәгълүматы буенча, телефон мошенниклары шикле акча күчерү яки билгесез кешеләр тарафыннан кредит рәсмиләштерелү турындагы хәбәрләрне сөйләшүне башлау өчен сәбәп итеп еш куллана.
«Кызыл таң» сайтыннан
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев