"Көмеш кыңгырау" балалар газетасына ихтыяҗ артты

"Көмеш кыңгырау", "Салават күпере", "Сабантуй", "Ялкын" газета журналлары бүгенге көндә мультимедиа форматында эшләп килә. Кәгазь басманы ачып укучылар QR-код аша татар әкиятләре, мультфильмнар карый ала, төрледән төрле онлайн-дәресләрдә һәм  остаханәләрдә катнаша ала. 

2021 елның беренче яртыеллыгына язылу кампаниясе барышында балалар өчен әлеге татар газеталарына һәм журналларына ихтыяҗ артты. ". Бу хакта " Татар-информ "МА республиканың почта бүлекчәләрендә хәбәр иттеләр.

Язылу чорында шулай ук "Татмедиа" АҖ сайты аша онлайн-язылу саны артты tatmedia.ru/podpiska.

Татарстан балалар басмалары төрле яшьтәге балалар өчен каралган. 0+ категориясендә — «Салават күпере» журналы, 6+ - «Сабантуй» журналы һәм «Көмеш кыңгырау» газетасы, яшүсмерләр өчен «Ялкын»журналы. Бу басмаларның тиражлары арта.

Әлеге газета һәм журналларның баш мөхәррирләре аңлатуынча, басмалар мультимедиа форматына, ягъни һәр номерда, кәгазьдә мәгълүматтан тыш, QR-кодлар да бар. Укучылар алар буенча видеороликлар һәм уеннарга, татар мультфильмнарын һәм әкиятләрен карарга, иҗади остаханәләрдә катнаша алалар. Мәсәлән, «Салават күпере» журналы һәр әбүнәчегә рәсем ясау буенча онлайн-дәресләрдә катнашу мөмкинлеге бирә.

13 декабрьгә кадәр бу басмаларга язылу бәяләренә ташлама гамәлдә-13 процентка кадәр.

Балалар басмаларына Татарстан халкы гына түгел, Россиянең башка төбәкләрендә яшәүчеләр дә языла ала. "Татмедиа" АҖ басмаларына сайтта да язылырга мөмкин  podpiska.pochta.ru.