Коронавирусның тагын да куркынычрак төре таралырга мөмкин

Бөтендөнья сәламәтлек саклау оешмасы белгечләре сүзләренә караганда, дөньяда коронавирусның тагын да куркынычрак  яңа штаммы таралу куркынычы бар. Моны күздә тотып, (ВОЗ) башлыгы Тедрос Аданом Гебрейесус зәһәр авыруга каршы алдан ук әзерлек чараларын күрергә кушты. Чөнки ул кабат авыручылар саны артуга, үлем-китемгә китерергә мөмкин. Бу хакта ул Женевада узган ассамблея вакытында хәбәр итте. 

Исегезгә төшерәбез: дөньяда коронавируска бәйле гадәттән тыш хәл режимы быел 5 майда төгәлләнде. Пандемия 1150 көн яки 3 ел 1 ай һәм 24 көн дәвам итте. Коронавирус 6,9 млн кешенең гомерен өзде.