Короновирус белән кабат чирләгән кеше нишли?

Коронавирус белән бер тапкыр авырып савыккан кеше аны икенчегә йоктыра аламы, йоктырса, инфекцияне ничек үткәрәчәк? Әлеге сорауларга билгеле табиб, Сеченов университеты белгече Александр Лукашев анык җавап биргән.

Ковид белән чирләп савыккан кеше әлеге инфекцияне тагын эләктерсә, ул бу юлы авыруны җиңелрәк формада үткәрәчәк.

Адәм баласының иммун системасының эволюциясен өйрәнү нәкъ шундый нәтиҗә ясарга этәрә, ди табиб.

"Роспотребнадзор" җитәкчесе Анна Попова белдерүенчә дә, инфекция белән очрашкан саен организмның иммун җавабы барлыкка килә - ковидка каршы антитәнчекләр югалмый, аларның күләме генә кимергә мөмкин.