Куркынычсыз товарлар — ышанычлы кулланучылар

Ел саен 15 мартта Бөтендөнья Милләтләр Оешмасы (БМО) карары белән кулланучылар хокукларын яклау көне уздырыла. 2026 елда бу чара «Куркынычсыз товарлар — ышанычлы кулланучылар» девизы астында узачак.

Бүгенге кулланучы өчен товар сатып алу — ул сыйфат һәм ышаныч сайлау дигән сүз. Белгечләр искәрткәнчә, аеруча азык-төлек, косметика һәм балалар уенчыклары сайлаганда, продукциянең куркынычсызлыгы төп фактор булып тора.

Бу уңайдан, ТР алкоголь инспекциясенең Чаллы бүлеге белгечләре сатып алучыларга киңәшләр бирде:

• Маркировканы тикшерегез: товарның коробкасында яки пакетында язылган мәгълүматны  җентекләп укыгыз. Анда  составы, җитештерүче ил һәм саклану срогы күрсәтелергә тиеш.

• Сертификатлар сорагыз: Товарның Россия стандартларына туры килүен раслаучы документлар булуы шарт.

• Фикерләрне өйрәнегез: Заманча технологияләр брендның репутациясен алдан белергә мөмкинлек бирә.

Җитештерүчеләр үз чиратында дәүләт стандартларын үтәргә һәм инновацион технологияләр ярдәмендә продукция сыйфатын арттырырга бурычлы. Контрольлек итүче органнар тарафыннан даими тикшерүләр уздыру куркыныч товарлар сатылуга юл куймый.

Сыйфатлы һәм тикшерелгән товарлар сайлап, без үз сәламәтлегебезне кайгыртабыз һәм иртәгәге көнгә ышанычны ныгытабыз.