Лицей укучысы дәрәҗәле бәйгедә җиңде

Гали Акыш исемендәге 84нче лицей-интернат укучылары төрле дәрәҗәдәге бәйгеләрдә җиңүләре белән укытучыларын һәм әти-әниләрен даими сөендереп торалар.

10нчы сыйныф укучысы Наилә Вәлиева Габдулла Тукай исемендәге  VI Бөтенроссия нәфис сүз осталары бәйгесендә 3 нче урын алды.  

Наилә лицейга быел гына 2нче гимназиядән күчкән. Ул медицина юлыннан китәргә җыена. Хыялын тормышка ашыру өчен Г.Акыш лицеена килгән. Биредә профильле химия сыйныфында укый. 

"Без Наиләнең дәрәҗәле бәйгедә җиңүе өчен ихлас сөенәбез. Аның уңышка ирешүе өчен әнисе - Суфия Василовнага һәм 2нче гимназиядә эшләп килүче "Тылсым" театр студиясенә рәхмәтлебез", - диде укучысы белән горурланып, мәгариф учреждениесе директоры Фирдүсә Әюпова. 

Татарстанда «Яшьләр һәм балалар» илкүләм проекты гамәлгә ашырыла.