Мәктәпләргә ясалма фәһем килә

Россия укучылары информатиканың тирәнәйтелгән курсы кысаларында «Ясалма фәһем» профилен 1 сентябрьдән өйрәнә башлаячак. Бу хакта «РИА Новости»га биргән интервьюсында мәгариф министры Сергей Кравцов хәбәр итте.
Ул билгеләп үткәнчә, мәктәп мәгарифе үсеше нигездә май аенда тәмамланган Бөтенроссия укучылар олимпиадасы нәтиҗәләренә һәм юнәлешләренә йөз тота. Кравцов сүзләренчә, «Ясалма интеллект» профиле информатика буенча олимпиадага яңа юнәлеш буларак кертелде һәм катнашучылар ягыннан зур кызыксыну уятты. Министр хәбәр иткәнчә, нәкъ менә шуңа күрә 2026/27 уку елыннан аны информатиканы тирәнтен өйрәнү кысаларында мәктәп программасына кертү планлаштырыла. Элегрәк Россия Мәгариф министрлыгы 5-6, 7-8 һәм 9 сыйныфлар өчен «Ясалма интеллектка кереш» дәреслекләрен мәктәп әдәбиятының федераль исемлегенә керткән иде.

Татарстанда «Яшләр һәм балалар» илкүләм проекты тормышка ашырыла.