Машина алам дип акчасыннан колак каккан

Чаллыда слесарь булып эшләүче бер ир-ат интернетттан чит илдән машина кайтару белән шөгыльләнүче төркем тапкан. Андагы кешеләр белән май аеннан бирле сөйләшүләр алып барган һәм Ауди-5А машинасы алырга карар кылган. Бу хакта администраторга язган.
Мошенниклар машинаның яңа хуҗасына, акча күчерү өчен,  счет җибәргәннәр. Менеджер башта машинаны диагностикалау, аннары автомобиль һәм таможня хезмәтләре өчен акча сораган. Нәтиҗәдә якташыбыз 2 млн 900 мең сум акча күчергән. Һәм «сатучылар»га шалтыратып, чит ил машинасының акчасын кайчан алачагы белән кызыксынмакчы булган. Ләкин телефоннар җавап бирмәгән. 
Ир-ат шунда гына үзенең мошенникларга эләгүен аңлаган һәм полициягә мөрәҗәгать иткән. 
РФ Җинаятьләр кодексының 159нчы «Мошенниклык» маддәсе буенча җинаять эше кузгатылган. Зыян күргән ир-атка Россиянең төрле регионнарныда теркәлгән телефоннрадан шалтыратулары ачыкланган.