Минзәләдә йорт шартлаган - видео

Бүген иртән Минзәлә шәһәрендә шәхси йортта, газ чыгу нәтиҗәсендә, шартлау булган. Нәтиҗәдә, ике катлы коттеджның ишек-тәрәзәләре чыгып очкан, өлешчә түбәсе, стеналары ишелгән. Фаҗигане видеокүзәтү җайланмалары төшереп алган. 

Шаһитлар белдерүенчә, вакыйга урынына тиз арада янгын сүндерүчеләр килә һәм утны сүндерә. 59 яшьлек йорт хуҗасы, ярты тәне пешү сәбәпле, реанимациягә озатыла. Хатынына табиблар ярдәме кирәк булмый. Хәзерге вакытта әлеге очрак буенча тикшерү эшләре бара.