Минзәләдәге шәхси йорт шартлауда кем гаепле?

ТР Тикшерү комитеты җитәкчесенең өлкән ярдәмчесе Андрей Шептицкий белдерүенчә, җинаять эше куркынычсызлык таләпләренә җавап бирми торган хезмәт күрсәтү маддәсе буенча кузгатылды. Хәзер фаҗигада гаепле кешене ачыклыйлар -  тикшерү эшләре бара. Хәтта экспертиза үткәрү турында да мәсьәлә хәл ителә. 

Исегезгә төшерәбез, шартлау иртәнге якта Минзәләдәге шәхси йортта булды. Сәбәбен белгечләр газ чыгуыннан күрә. Шартлау нәтиҗәсендә 59 яшьлек ир-ат зыян күрде. Тәненең 40 проценты янды. Ул реанимациядә. Аның тормыш иптәше исән-имин. Бу хакта тулырак монда укый аласыз.