Онкоүзәктә тернәкләндерү буенча проект эшли башлады

Чаллының онкология үзәгендә эшли башлаган пилот проект пациентларга физик яктан гына түгел, эмоциональ яктан да дәвалану өчен мөһим, ди оештыручылар.  Беренче чарада Казан шәһәреннән килгән иснтруктор-методист Руслан Нурмангазиев аралашуга корылган лекция уздырды. Хатын-кызлар белгечкә үзләрен борчыган сорауларын бирде. Операциядән соң нәрсә ярый, нәрсә ярамый, тизрәк һәм нәтиҗәле тернәкләнү өчен нәрсәгә игътибар итәргә, нинди витаминнар эчәргә – Руслан Нурмангазиев шуңа охшаш сорауларга аңлатма бирде.

Очрашудан соң саф һавада дәвалау гимнастикасы узды.