Педофилны гомерлеккә ирегеннән мәхрүм иттеләр

Татарстанның бер районында ир-ат 15 ел дәвамында үзенең кызларын мәсхәр итеп яши. Аларның гаиләсендә 5 бала: 1 малай һәм 4 кыз үсә. 

Тикшерүчеләр версиясе буенча ир-ат 15 ел дәвамында 6-15 яшьлек кызларны көчләгән. 
Кызларның әйтүенчә, бу хәл даими булган. 

Кызлар кияүгә чыккач кына педофилның вәхши гамәлләре ачыкланган. Бер кыз кияүгә чыккач бу хәл турында иренә сөйләгән. Ир-ат исә бу хәл турында гаиләдәге икенче кызга өйләнгән дустына әйткән.

Егетләр хатыннарының әтисе янына барып, аңардан бу хәлләр турында мәгълүматлар алганнар һәм полициягә мөрәҗәгать иткәннәр.

Суд ир-атны гомерлеккә ирегеннән мәхрүм итү турында карар чыгарды.