Рөстәм Миңнеханов Чаллыга килде

Россия Хөкүмәте Рәисе урынбасары Дмитрий Патрушев Чаллыга эш сәфәренә килде. «Бигеш" халыкара аэропортында аны Татарстан Рәисе Рөстәм Миңнеханов каршы алды. Килүгә үк вице-премьер һәм республика Рәисе «Senat» автомобилен сынап карадылар.

Эш сәфәре барышында Дмитрий Патрушев Рөстәм Миңнеханов белән бергә «КАМАЗ» автомобиль заводында булдылар. Предприятиедә алар җитештерү мәйданчыкларын һәм конвейерны карадылар. Шулай ук вице-премьерга К5 буынының өр-яңа йөк машиналары җитештерүен күрсәттеләр. Әлеге автомобильләр төрле тармаклар өчен каралган: магистраль йөк тракторлары, махсус техниканың төрле төрләре өчен йөк шассилары һәм муниципаль бурычлар өчен урта тоннажлы машиналар.

«КАМАЗ» вәкилләре хәбәр иткәнчә, махсус техника линейкасы, шул исәптән яңа чүп ташучы машиналар өчен шасси, алдынгы технологияләрне һәм заманча конструктив хәл ителешләрне кулланып төзелә. Чүп ташу машиналары эше өчен җайлаштырылган йөк шассиларының алдагы буыны махсус техникасының традицион ышанычлылыгы һәм гамәлилеге хәзер югары комфорт, экономиялелек һәм К5 буынының заманча идарә итү һәм иминлек системалары белән яраша.

Аннары Рөстәм Миңнеханов һәм Дмитрий Патрушев фәнни-техник үзәктә булдылар һәм «КАМАЗ» модель рәтенең яңалыклары белән таныштылар.