Салават Фәтхетдинов эшмәкәр ханымга ярдәм кулы сузган

Россиянең һәм Татарстанның халык артисты Салават Фәтхетдинов  хәйрия чаралары үткәрүе белән башка җырчылардан аерылып тора. Ул көндәлек тормышта да игелекле гамәлләр кыла. Бүген коляскада хәрәкәтләнүче блогер, эшмәкәр Миләүшә Зариповага ярдәм кулы сузган.

"Корстон" күңел ачу үзәгенә эш белән килгән идем. Машинада утырып торам, Салават абый узып бара. Тормышта бер дә күрешкәнебез юк иде. Салават абыйдан машинадан коляскамны алып бирүен сорадым, - ди Миләүшә Зарипова. 

Салават Фәтхетдинов рәхәтләнеп аңа ярдәм иткән.

Аннары якташлар икесе дә үз юллары белән киткәннәр.