Салкыннар кайчан чигенер?

Бүген, 7 декабрьдә, Татарстанда аномаль салкын һава торышы сакланачак, температура фоны тагын да түбәнәячәк. Көндезен терекөмеш баганасы -26 градус күрсәтсә, кичен һәм төнлә Чаллыда -32 градуска кадәр суытачак. Бу хакта Россия Гидрометүзәге сайты хәбәр итә. 

Җомга, шимбә, якшәмбе көннәрендә дә һава температурасы -25 -26 градусны тәшкил итәчәк. Салкыннар бары киләсе атна башыннан гына чигенәчәк. Мисал өчен, 11 декабрьдә термометрлар инде -19 градуска кадәр күтәреләчәк.