Санкт-Петербург вәкилләре Чаллыда искитмәле бәйрәм оештыра

Чаллыда кабат буяулар фестивале үтәчәк. Ул 2 июль көнне Җиңү паркында 17:00 сәгатьтә узачак. Чараны Санкт-Петербург вәкилләре оештыра. Ике сәгать барачак бәйрәмдә кешеләр бер-берсенә төсле зыянсыз порошок сибеп, баштан-аяк буялып, күңел ача алачак.

Мәгълүм булганча, Холи – Һиндстанда язын уздырыла торган “Буяулар” бәйрәме. Бу көнне кешеләр бер-берсенә дару үләннәреннән ясалган төрле төстәге порошоклар сибешәләр. Холи бәйрәме дөньяны изгелек, тынычлык, бәхет төсләренә буяуны символлаштыра. Төрле төсләргә кергән кешеләр рәхәтләнеп, көлешеп күңел ача.