Шашлык пешергән өчен штраф салачаклар

14 апрельдан 11 майга кадәр Татарстанда янгынга каршы режим кертелде. Бу вакытта учак ягу, каты көнкүреш калдыкларын, коры үлән һәм чүп-чарлар яндыру катгый тыела. Бакчачылык ширкәтләрендә шашлык пешерү дә рөхсәт ителми. Шулай ук торак пунктлар территориясендә 1-3 класслы пиротехник эшләнмәләр кулланырга ярамый.

Янгын куркынычсызлыгы таләпләрен бозган өчен гражданнарга — 10 меңнән 20 мең сумга кадәр, вазыйфаи затларга — 30 меңнән 60 мең сумга кадәр, эшмәкәрләргә — 60 меңнән 80 мең сумга кадәр, юридик затларга 400 мең 800 мең сумга кадәр штраф яный.