Сентябрь аенда безне нинди һава торышы көтә?

Россиядә яшәүчеләрне көзен озакка сузылган җылы һава торышы көтә. Илебезнең гидрометеоүзәге җитәкчесе Роман Вильфанд шулай дип белдергән.

“Хәзерге вакытта һава температурасы бик яхшы. Кара диңгезнең көнчыгышында су температурасы +25+26, Сочи һәм Анапада +28 градус. Экватордагы су температурасы бу. Бездә ул – бик сирәк күренеш. Калининград өлкәсендә дә суның температурасы фантастикага тиң дәрәҗәдә: +24 градус. Болар бәрхет сезонының озак дәвам итәчәген күрсәтә. Океан суы бик нык җылынган, сентябрьдә җылылык судан һавага күчәчәк”, – дип белдергән Вильфанд ТАСС хәбәрчесенә.