Шәһәр мэры аутистик спектр ягыннан авыру балалар төркеме эше белән танышты

Балалар бакчасына 249 бала йөри - 56 ясле яшендәге һәм 193 мәктәпкәчә яшьтәге (3-7 яшь) бала. Үзенчәлекләре булган балалар төркемендә – биш бала, һәр бала өчен үзенең педагог-психологы каралган. Бу тәрбияләнүчеләр өчен бик мөһим, чөнки эмоциональ-ихтыяр өлкәсе авыру булган балалар категориясе бик төрле. Шуңа күрә балалар шәхси коррекция-тәрбия эшчәнлегенә мохтаҗ, ул база күнекмәләрен формалаштырырга һәм, яхшы очракта, аларга массакүләм мәктәптә укырга мөмкинлек бирәчәк.
Балалар – төрле мәктәпкәчә учреждениеләрдән, коммуникацияләр дефициты булганлыктан, адаптация максатларында, балалар бакчасына йөрү көннең яртысына, төшке ашка кадәр генә планлаштырыла. Әмма инде хәзер үк күпләргә монда йөрү ошаган: кайбер балалар балалар бакчасында калырга сорый, - дип уртаклашты «Чудо-дети» дәвалау педагогика үзәге директоры, проект кураторы Ася Кислова.
Шәһәр мэры Наил Мәһдиев ремонт эшләрендә ярдәм күрсәткән инициатив төркем вәкилләре белән генә түгел, ә тәрбиячеләр, балаларның әти-әниләре белән дә аралашты. «Балага мәктәпкә йөрергә, социальләшергә һәм бөтен кеше белән бергә укырга кирәк. Сәламәтлекләре ягыннан мөмкинлекләре чикле балаларның башка балалар белән бергә белем алуы мөһим, шулай ук сәламәт балаларның үзенчәлекләре булган кешеләргә дөрес мөнәсәбәте урнашуы да мөһим. Мондый төркемнәр – ул гаиләгә дә җитди ярдәм», - дип ассызыклады Наил Мәһдиев.
Мэр бу проектка өлеш керткән, күңел җылысын биргән, битараф булмаган Чаллы халкына рәхмәт белдерде, шулай ук балалар бакчасы кирәк-яракларына акча сертификаты тапшырды.

http://nabchelny.ru/