Сәламәтлек саклау министрлыгы ковидтан прививканы кемгә ясарга ярамаганлыгын аңлатты

Коронавирустан прививканы туберкулез, онкология, гепатит һәм ВИЧ белән авыручы пациентларга, шулай ук якындагы өч айда бала алып кайтырга ниятләүчеләргә ясарга киңәш ителми. Бу хакта Сәламәтлек саклау министрлыгына сылтама белән стопкоронавирус.рф порталының Telegram каналында хәбәр ителә, дип яза РИА Новости.

Вакцинацияне кискен йогышлы авырулы пациентларга, вакцина компонентларына аллергик реакция булган очракта, йөклелек вакытында ясарга ярамый, дип аңлаттылар Сәламәтлек саклау министрлыгында.

«Дәвалаучы табиб күрсәтмәләре булган очракта вакцинация алдыннан алдан тикшерү узарга кирәк. Бу көтелмәгән нәтиҗәләрдән котылырга ярдәм итәчәк», — дип аңлаттылар министрлыкта.