Татарстанда һава торышы бозыла

Бүген һәм иртәгә республикада кар һәм карлы яңгыр кебек көчле явым-төшемнәр көтелә. Юлларда бозлавык барлыкка килүе ихтимал, ди синоптиклар. 

Чәршәмбе, 22 ноябрьдә бураннар булачак. Җил секундына 15-20 метр тизлектә исәчәк. Пәнҗешәмбе, 23 ноябрьдә дә кар явачак, буран һәм көчле җил сакланачак.

Россия гадәттән тыш хәлләр министрлыгының ТР буенча Баш идарәсе матбугат хезмәте юлда йөрүчеләрне сак булырга чакыра. Урамга кирәк вакытта гына чыгарга, торак пунктлардан читтә йөрүләрне кичектерергә киңәш итә.