Татарстанда коронавирус инфекциясеннән ике үлем очрагы расланды

1955 елда туган Казан шәһәрендә яшәүче бер ханым хастаханәдән тыш ике яклы полисегментар пневмония белән РКбга җибәрелә. Торышы хроник авырулар кискенләшүе аркасында начарланган. Үлемнең сәбәбе экспертиза нәтиҗәсендә билгеләнгән. Вирус идентификацияләнгән.

1963 елгы хатын-кыз Казан шәһәренең 7нче номерлы ШКХнә ике яклы пневмония белән китерелгән. Җитди хроник авырулар бар. Коронавирус йогышы булу лаборатор тикшерү нәтиҗәсендә расланган.

Туганнарга һәм якыннарына кайгыларын уртаклашабыз.

Фото ачык чыганаклардан