Татарстанда урам этләрен ашатуны депутатлар хәл итте

Татарстанда Физик һәм юридик затларга хуҗасыз хайваннарны ашату өчен урыннар оештыру, шулай ук азык калдыкларын махсус билгеләнгән зоналарда калдыру тыелачак.

Татарстан Дәүләт Советының Экология, табигатьтән файдалану, агросәнәгать һәм азык-төлек сәясәте комитеты йортсыз хайваннарны, аерым алганда урам этләрен, контрольсез ашатуны тыя торган канун проектын хуплады.

Документ авторлары - Татарстаннан Дәүләт Думасында эшләүче депутатлар Татьяна Ларионова, Айдар Метшин һәм Илья Вольфсон. Ул балалар һәм спорт мәйданчыкларында урам этләрен ашатуны тыюны күздә тота. Проектта  тыелган урыннар исемлеген мөстәкыйль рәвештә киңәйтү, аны тиешле норматив-хокукый актлар ярдәмендә тулыландыру мөмкинлеге күрсәтелгән.

Шулай ук парламентарийлар йортсыз хайваннарны аулаучы оешма вәкилләренә каршылык күрсәтүне тыю турындагы закон проектын да хупладылар.