Театр артистларын бүләкләделәр

Чаллыда мәдәният хезмәткәрләре көненә багышланган тантанлы чара узды. Анда Аяз Гыйләҗев исемендәге Чаллы татар дәүләт драма театры артистлары лаеклы бүләкләр алды.

Күпьеллык нәтиҗәле хезмәте, мәдәниятне үстерүгә керткән зур өлеше өчен Марсель Мөсәвиров Татарстан Республикасы Мәдәният министрлыгының  «Мәдәнияттәге казанышлары өчен» күкрәк билгесе белән бүләкләнде.

Театрның әйдәп баручы артистларына Чаллының Оскары бирелде. Зөлфия Галиуллина – «Ел актрисасы», Равил Гыйләҗев –  «Сайланган юлга тугрылык», Илфат Әскәров – «Таяныч һәм авторитет», Инсаф Һидиятуллин «Дебют» номинациясендә җиңде.