Трамвайда 87 мең сум акчасын урлаткан

Чаллыда яшәүче 28 яшьлек хатын-кыз трамвайда сумкасын япмыйча барган. Билгесез кеше моннан бик оста файдаланган. Сумкадан акча һәм бизәү әйберләрен алган. Хатын-кыз моны сизмәгән. Өенә кайткач кына 87 мең сум акчасын һәм әйберләре юклыгын белгән. 
Полициягә гариза язган. Җинаять эше кузгатлыган. Җинаятьчене тотканнар. Ул берничә тапкыр хөкем ителгән 38 яшьлек эшсез ир-ат булып чыккан.
Зыян күрүчегә урланган әйберләрнең бер өлешен (10 мең сумга якын акча һәм алтын балдак) кире кайтарганнар.