Түбән Кама шәһәрен Радмир Беляев җитәкләячәк

Бүген Түбән Камада Республика премьер-министры Алексей Песошинны көтәләр. Ул шәһәр башлыгы Рамил Муллинның отставкасын кабул итеп, яңа кандидат белән таныштырырга тиеш. Башкарма комитет җитәкчесе вазыйфаларын башкаручы итеп Радмир Беляевны тәкъдим итәчәкләр. Ул бу көннәрдә Менделеевск җитәкчесе вазыйфаларыннан баш тартты. Менделеевскийга киткәнче Радмир Беляев Чаллыда эшмәкәрлекне үстерү өлкәсендә эшләде.