Чаллы хакимиятенең матбугат хезмәте җитәкчесенең туган көне

Хөрмәтле Римма Равиловна! Без сезне киң күңелле, үз хезмәтен җиренә җиткереп башкаручы, һәрвакыт ярдәмчел, тынгысыз җитәкче буларак беләбез. Тырыш һәм намуслы хезмәтегез, кешеләргә карата игътибарлы, яхшы мөнәсәбәттә булуыгыз белән шәһәрдәшләребезнең хөрмәтен яулап алдыгыз сез. Нәтиҗәле хезмәтегезне күпләргә үрнәк итеп куярлык. Киләчәктә тагын да биегрәк үрләр һәм иҗат куанычлары көтеп торсын үзегезне!

Гел шулай гади һәм кешелекле, тырыш һәм максатчан булып калыгыз. Гомерегез озын һәм игелекле эшләр белән тулып торсын. Янәшәгездә һәрчак тугры дусларыгыз, ышанычлы хезмәттәшләрегез булсын. Сезгә сәламәтлек, хезмәт уңышлары, тормыш авырлыкларын җиңәргә көч-куәт, бәрәкәтле тормыш телибез.

Олы хөрмәт һәм тирән ихтирам белән «Шәһри Чаллы» газетасы коллективы.