“Туганым фотосы өчен тавыш бир!” дип язсалар - ышанмагыз

Мошенниклар нинди генә алдау схемаларын уйлап тапмый. WhatsApp, Telegram һәм Viber мессенджерларында алар “Туганым фотосы өчен тавыш бир әле! ... бала конкурста катнаша. Җиңсә балалар лагерена путевка бирәчәкләр” дип хәбәрләр җибәрә. Хәбәр астында сылтамасы да бар. Анда баскан очракта мошенниклар карта номерлары, телефондагы бөтен мәгълүматны белә. Әкренләп картадагы акчаларны үзләренә күчереп, сезнең номерыгыздагы башкаларга да спам җибәрә башлый.

Хокук сакчылары сак булырга чакыра. Билгесез сылтамаларга басмаска киңәш итә.