Тукай районында авария: мәктәп укучысына кем мотоцикл биргән?

«Транспортник-3» бакчачылык ширкәте тирәсендә мәктәп укучысы катнашында юл һәлакәте булды. Renault Megane машинасы юл читенә чыгып мотоциклчыны бәрдерде. ТР прокуратурасы белдерүенчә, юл кагыйдәләре буенча машина йөртүче мотоциклчыны үткәртеп җибәрергә тиеш булган, әмма куркынычсызлык чараларын күрмәгән. Нәтиҗәдә 14 яшьлек мотоциклчы төрле тән җәрәхәтләре белән хастаханәгә озатылды.  

Әлеге юл һәлакәте буенча хәзер тикшерү бара. Мотоциклга утырган яшүсмернең таныклыгы юк. Аңа зур юлга чыгарга кем рөхсәт биргән? ТР прокуратура хезмәткәрләре шуларны ачыклый.

Фото ТР прокуратурасыннан