Законсыз урман кисүчеләрне тоттылар

35 яшьлек Чаллы кешесе һәм 41 яшьлек Казан кешесе законсыз рәвештә урман кисүдә гаепләнә. Узган елның август-сентябрь айларында алар Азнакай урманчылыгында утын ясау өчен җир кишәрлекләре сатып ала. Әмма күзләре күрше участокларга да төшә. Анда нарат, өрәңге, каен агачларын кисеп чыгалар. Барлыгы 199 агач. Салынган зыян күләме 4,5 млн сумнан артык. Кылган гамәлләрен яшерү өчен әлеге участокны ир-атлар сатып ала. Җинаять эше судка җибәрелде.