Хәния Фәрхинең әнисе 10нчы тапкыр Президент сайлады

9 мартта Хәния Фәрхинең әнисе Фәния апа 94 яшен тутырды. Унынчы дистәне вакласа да ул аягында йөри, үз акылында. Илебездә барган вакыйгаларны күзәтеп бара.

Фәния апа Президент сайлауларыннан да читтә калмады. Сайлау комиссиясе вәкилләре аны өенә килеп сайлаттылар.

"Мин сайлауларда гел катнашам. Быел да сайладым. Туган илебезгә - тынычлык, иминлек; Ил башлыгыбызның мәрхәмәтле, төпле акыллы булуын телим. Балаларыбыз- оныкларыбыз кайгы-хәсрәтсез яшәсен иде", - диде ул "Шәһри Чаллы" журналистына.